საზოგადოება
28.12.2023 10:55
სოფელ სკრის საჯარო სკოლას ჩოგბურთის მაგიდა გადაეცა
შიდა ქართლის მაგიდის ჩოგბურთის ფედერაციამ გორის მუნიციპალიტეტის სოფელ სკრის საჯარო სკოლას ჩოგბურთის მაგიდა გადასცა.
როგორც „გორის მაცნესთან“ ფედერაციის პრეზიდენტმა დავით ღამბაშიძემ აღნიშნა, აქტივობის მიზანს სპორტის პოპულარიზაცია და ჯანსაღი ცხოვრების წესის დამკვიდრება წარმოადგენს.
„მიმდინარე წელს სპორტული ინვენტარი ექვს სკოლას გადავეცით. მსგავსი სახის აქტივობების გამართვას ფედერაცია მუნიციპალიტეტის სხვა სოფლებშიც გეგმავს. ჩვენი მიზანია, რომ მეტი ახალგაზრდა დაინტერესდეს სპორტით“, - აღნიშნა დავით ღამბაშიძემ.
ცნობისთვის, 2023 წელს სპორტული ინვენტარი მერეთის, ვარიანის, ქერეს, არბოს და საქაშეთის საჯარო სკოლასაც გადაეცა.
კვირის ამბები
შინაგან საქმეთა სამინისტროს მიერ შემუშავებული საკანონმდებლო ცვლილებათა პაკეტით საგზაო მოძრაობის წესების დარღვევაზე ადმინისტრაციული პასუხისმგებლობა გამკაცრდა და არსებული სანქციები გაიზარდა.
მამუკა მდინარაძე სამართალდამცავი ორგანოების კოორდინაციის საკითხებში სახელმწიფო მინისტრის თანამდებობაზე დაინიშნა. შესაბამის ბრძანებას პრემიერ-მინისტრმა ირაკლი კობახიძემ ხელი დღეს მოაწერა
1-ელი მაისიდან საგზაო მოძრაობის წესების დარღვევებზე და არასწორ პარკირებაზე ჯარიმები იზრდება და სანქციები მკაცრდება
საქართველოს ეკლესიის წმინდა სინოდმა სამი საპატრიარქო კანდიდატი გამოარჩია. სინოდის გადაწყვეტილებით, პატრიარქობის კანდიდატები არიან: საპატრიარქო ტახტის მოსაყდრე, სენაკისა და ჩხოროწყუს მიტროპოლიტი შიო (მუჯირი), ურბნისისა და რუისის ეპარქიის მიტროპოლიტი იობი (აქიაშვილი) და ფოთისა და ხობის მიტროპოლიტი გრიგოლი (ბერბიჭაშვილი).
გორის მუნიციპალიტეტის მერმა კონსტანტინე ბუზალაძემ ყაზახეთში ვიზიტის ფარგლებში, გორსა და ყარაღანდას შორის დამეგობრების შესახებ მემორანდუმს მოაწერა ხელი.
კონკურსში 21 პროექტი მონაწილეობდა, რომელთაგან 8 შეირჩა. გამარჯვებული პროექტების საერთო ბიუჯეტმა, ჯამში, 29 080 ლარი შეადგინა.
ჯანმრთელობის მსოფლიო ორგანიზაციის ევროპის რეგიონული ბიურო იმუნიზაციის კვირეულს წელს 19-26 აპრილს აღნიშნავს.
დიასპორისთვის ქართული ენის დისტანციური სწავლების პროგრამა მასწავლებელთა პროფესიული განვითარების ეროვნული ცენტრის მიერ ხორციელდება