გორმა კალათბურთის პირველ რეგიონულ კონფერენციას უმასპინძლა.

შეხვედრას, რომელიც საქართველოს კალათბურთის ფედერაციის რეგიონული განვითარების დეპარტამენტის ორგანიზებით გაიმართა, გორის მუნიციპალიტეტის მერის მოადგილე თამაზ შიოშვილი და საქართველოს რეგიონული ფედერაციების პრეზიდენტები ესწრებოდნენ.

ადგილობრივი თვითმმართველობის ცნობით, კონფერენციაზე  რეგიონებში კალათბურთის განვითარებაზე, მუნიციპალიტეტებთან თანამშრომლობაზე, რეგიონული ტურნირების ჩატარებაზე და საკალათბურთო დარბაზების მდგომარეობის გაუმჯობესებაზე იმსჯელეს.

სამუშაო შეხვედრის მიზანს ფედერაციების  ხელმძღვანელი პირების მჭიდრო კომუნიკაცია და სამომავლო გეგმების გაზიარება წარმოადგენდა.