შოთა ჩოჩიშვილის სახელობის გორის კომპლექსური სპორტული სკოლის სპორტსმენებმა საქართველოს ჩემპიონატზე კარატეში სხვადასხვა სინჯის მედალი მოიპოვეს.

შეჯიბრი კარატეს სხვადასხვა სახეობაში - კატასა და კუმიტეში ჩატარდა.

რაც შეეხება პრიზიორებს, მარიამ შავშიშვილმა ორივე სახეობაში ვერცხლის მედალი მოიპოვა.

მიხეილ შავშიშვილმა კუმიტეში - ვერცხლი, კატაში კი ბრინჯაოს მედალი მოიპოვა.

ნიკა მაყიშვილი და ნიკა გვიმრაძე კუმიტეში ბრინჯაოს მედლის მფლობელები გახდნენ.

საქართველოს ჩემპიონატი კარატეში გორის სპორტის სასახლეში ჩატარდა.