გორელმა ძიუდოისტებმა კადეტთა შორის გამართულ ანტალიის ევროპის თასზე ხუთი მედალი მოიპოვეს.

მოპოვებული მედლებიდან ორი ოქროს, სამი კი ბრინჯაოს სინჯისაა.

მალხაზ შატაკიშვილმა (90 კგ.) და ნოდარ კობალაძემ (+90 კგ.) შეჯიბრი ოქროს მედლით და ჩემპიონის ტიტულით დაასრულეს.

ლუკა დათაშვილი (60 კგ.), ქეთი რობაქიძე (70 კგ.) და იოანე აბალაკი (+90 კგ.) ბრინჯაოს მედლებს დაეუფლნენ.

საპრიზო ადგილზე გასული გორელი სპორტსმენებიდან, იოანე აბალაკი კლუბ „გორიჯვარის“ წარმომადგენელია, დანარჩენი ძიუდოისტები კი გურამ პაპიტაშვილის სახელობის გორის ჭიდაობის კომპლექსური სკოლის სპორტსმენები არიან.