საზოგადოება
14.05.2024 15:18
ქვემო და ზემო ხვითის საჯარო სკოლებს ჩოგბურთის მაგიდები და სპორტული ინვენტარი გადაეცათ
შიდა ქართლის მაგიდის ჩოგბურთის ფედერაციამ კომპანია Gulf-ის მხარდაჭერით, საოკუპაციო ხაზის პერიმეტრზე მდებარე სოფელ ქვემო და ზემო ხვითის საჯარო სკოლებს ჩოგბურთის მაგიდები და სპორტული ინვენტარი გადასცა.
ღონისძიების ორგანიზატორების ინფორმაციით, აქტივობის მიზანს ახალგაზრდების სპორტით დაინტერესება წარმოადგენს.
„მორიგი ვიზიტი განვახორციელეთ საოკუპაციო ხაზის პერიმეტრზე მდებარე ორ სოფელში - ქვემო და ზემო ხვითში. სოფელში არსებულ საჯარო სკოლებს კომპანია Gulf-ის მხარდაჭერით, ჩოგბურთის მაგიდები და სპორტული ინვენტარი გადავეცით. ღონისძიების მიზანი სპორტის პოპულარიზაცია და ჯანსაღი ცხოვრების წესის დამკვიდრებაა“, - აღნიშნულია ორგანიზატორების მიერ გავრცელებულ ინფორმაციაში.
