გორის „გორი“ საერთაშორისო ახალგაზრდული საფეხბურთო ტურნირის „Ateitis Cup Batumi 2024” მესამე ადგილის მფლობელია.

გადამწყვეტ შეხვედრაში „გორი“ თბილისის „ვიკინგებს“ დაუპირისპირდა და ანგარიშით 1:0 დაამარცხა.

მოწინააღმდეგის კარში გოლი ალექსანდრე რაზმაძემ გაიტანა.

ტურნირში 2010 წელს დაბადებული ფეხბურთელებით დაკომპლექტებული ათი გუნდი მონაწილეობდა.

შეჯიბრი ჯონი ბაკურაძის სახელობის ანგისის ბაზაზე ჩატარდა.