ახალბაღის ტერიტორიაზე მდებარე ხელოვნურ ტბაში ასაკოვანი მამაკაცის ცხედარი იპოვეს.

ამ დროისთვის, ადგილზე საგამოძიებო მოქმედებები უკვე დასრულებულია.

შინაგან საქმეთა სამინისტროს ინფორმაციით, გამოძიება საქართველოს სისხლის სამართლის კოდექსის 115-ე მუხლით მიმდინარეობს.

,,გორის მაცნეს“ ინფორმაციით, ცხედარი იდენტიფიცირებულია და იგი გორში მცხოვრები 70 წელს გადაცილებული მამაკაცია.
გარდაცვლილის ნაცნობების ერთ-ერთი ვერსიით, შესაძლოა, მამაკაცი ტბის სიახლოვეს იმყოფებოდა, წყალში ჩავარდა და უბედურ შემთხვევას ემსხვერპლა.