გორის „დილა“ „კოლხეთი 1913“-ს დაუპირისპირდება.

ეროვნული ლიგის 26-ე ტურის მატჩი 28 სექტემბერს გაიმართება. თამაში 20:00 საათზე დაიწყება და თენგიზ ბურჯანაძის სახელობის გორის ცენტრალურ სტადიონზე ჩატარდება.

კლუბის ადმინისტრაციის მიერ გავრცელებული ინფორმაციით, მსურველებს ბილეთების შეძენა ონლაინ: tkt.ge-ზე შეუძლიათ.

შეგახსენებთ, გასული ტურის შეხვედრაში „დილა“ „სამგურალს“ დაუპირისპირდა და ანგარიშით 2:1 დაამარცხა.

სატურნირო ცხრილში გორის „დილა“ 56 ქულით პირველ პოზიციაზეა.