საზოგადოება
18.11.2025 11:44
რეხის საბავშვო ბაღის შენობას რეაბილიტაცია ჩაუტარდება - სამუშაოების შესყიდვის მიზნით ტენდერი უკვე გამოცხადდა
გორის მუნიციპალიტეტის სოფელ რეხის საბავშვო ბაღის შენობას რეაბილიტაცია ჩაუტარდება. სამუშაოების შესყიდვის მიზნით, გორის მერიამ ტენდერი უკვე გამოაცხადა.
როგორც ადგილობრივ თვითმმართველობაში აცხადებენ, შესასრულებელი სამუშაოები ადგილობრივი ბიუჯეტიდან ფინანსდება და პროექტის სატენდერო ღირებულება 504 400 ლარია.
„ტენდერის პირობების მიხედვით, სამუშაოები ხელშეკრულების გაფორმებიდან სამ თვეში უნდა დასრულდეს და რაც შეეხება პროექტს, საბავშვო ბაღის შენობის სრულ რეაბილიტაციას და ეზოს კეთილმოწყობას ითვალიწინებს.
რეხის საბავშვო ბაღის შენობას, ექსპლუატაციაში შესვლიდან დღემდე, მსგავსი მასშტაბის სარეაბილიტაციო სამუშაოები არ ჩატარებია“, - აცხადებენ გორის მერიაში.
