მგზავრთა გაზრდილი ნაკადის გამო, საქართველოს რკინიგზა რეისებს ამატებს.

კომპანიის მიერ გავრცელებული ინფორმაციით, დამატებითი რეისი 28, 29, 30 და 31 დეკემბერს თბილისი-ბათუმი-თბილისის მიმართულებით შესრულდება.

რაც შეეხება განრიგს, მატარებელი 28, 29 და 30 დეკემბერს თბილისიდან 10:50 და 00:30 საათებზე გავა და მგზავრები ბათუმში, შესაბამისად, 16:40 და 06:07 საათზე ჩავლენ.

ბათუმი-თბილისის მიმართულებით კი რეისები 18:30 და 00:45 საათებზე შესრულდება მატარებელი დედაქალაქში კი 23:50 და 06:05 საათებზე იქნება.

გარდა ამისა, 31 დეკემბერს თბილისიდან ბათუმის მიმართულებით მატარებელი 00:30 საათზე გავა (ჩასვლა 06:07 საათი). ბათუმიდან კი, დამატებითი რეისი 00:45 საათზე შესრულდება და მატარებელი თბილისში 06:05 საათზე იქნება.

მსურველები ბილეთების შეძენას საქართველოს რკინიგზის ოფიციალურ ვებგვერდის და აპლიკაციის, ასევე, სწრაფი გადახდის აპარატებით, საქართველოს რკინიგზის სალაროებში და პარტნიორი კომპანიების მეშვეობით შეძლებენ.