საზოგადოება
03.02.2026 11:11
ტყვიავში 1 590 მეტრი გზის მონაკვეთს რეაბილიტაცია ჩაუტარდება
გორის მუნიციპალიტეტის სოფელ ტყვიავში გზის სარეაბილიტაციო სამუშაოები განხორციელდება.
როგორც გორის მუნიციპალიტეტის მერიაში აღნიშნავენ, გზის საფართან დაკავშირებული სხვადასხვა სახის სამუშაო 1 590 მეტრ გზის მონაკვეთზე შესრულდება.
პროექტის სავარაუდო ღირებულება კი 912 260 ლარია.
პროექტით გათვალისწინებული სამუშაოების შესყიდვის მიზნით, გორის მერიამ ტენდერი უკვე გამოაცხადა. წინადადებების მიღება 6 თებერვალს დაიწყება და 11 თებერვალს დასრულდება.
ტყვიავში გზის სარეაბილიტაციო სამუშაოები 2026 წელს რეგიონებში განსახორციელებელი პროექტების ფონდის თანადაფინანსებით განხორციელდება.
კვირის ამბები
საქართველოს ეკლესიის წმინდა სინოდმა სამი საპატრიარქო კანდიდატი გამოარჩია. სინოდის გადაწყვეტილებით, პატრიარქობის კანდიდატები არიან: საპატრიარქო ტახტის მოსაყდრე, სენაკისა და ჩხოროწყუს მიტროპოლიტი შიო (მუჯირი), ურბნისისა და რუისის ეპარქიის მიტროპოლიტი იობი (აქიაშვილი) და ფოთისა და ხობის მიტროპოლიტი გრიგოლი (ბერბიჭაშვილი).
გორის მუნიციპალიტეტის მერმა კონსტანტინე ბუზალაძემ ყაზახეთში ვიზიტის ფარგლებში, გორსა და ყარაღანდას შორის დამეგობრების შესახებ მემორანდუმს მოაწერა ხელი.
კონკურსში 21 პროექტი მონაწილეობდა, რომელთაგან 8 შეირჩა. გამარჯვებული პროექტების საერთო ბიუჯეტმა, ჯამში, 29 080 ლარი შეადგინა.
დიასპორისთვის ქართული ენის დისტანციური სწავლების პროგრამა მასწავლებელთა პროფესიული განვითარების ეროვნული ცენტრის მიერ ხორციელდება