დღეს, საშობაო ლიტურგიის გამო, 21:00 საათიდან 05:00 საათამდე, როგორც ქვეითების, ისე სატრანსპორტო საშუალებების გადაადგილებაზე შეზღუდვა არ იმოქმედებს, ასევე დაშვებულია საჯარო სივრცეში ყოფნა. 

ახალ წელს, 31 დეკემბერს და 6 იანვარს, შობის ღამეს, შეზღუდვის გაუქმება უწყებათაშორისმა საკოორდინაციო საბჭომ გამონაკლისის სახით დაუშვა.

შობის დღესასწაულზე შეზღუდვის გაუქმების პარალელურად, საქართველოს მთავრობა და დაავადებათა კონტროლის ეროვნული ცენტრი მოსახლეობას მოუწოდებს, მაქსიმალურად აარიდოს თავი ხალხმრავალ სადღესასწაულო შეკრებებს და შობის დღესასწაული ვიწრო წრეში და შესაბამისი რეკომენდაციების დაცვით აღნიშნონ.