კოვიდ 19 -ის საწინააღმდეგო ვაქცინაციის დაწყების პირველ დღეს, ვაქცინით ჯანდაცვის სექტორის 668 თანამშრომელი აიცრა.

ამ დროის მონაცემებით, სპეციალურ ონლაინ პლატფორმაზე - booking.moh.gov.ge უკვე დარეგისტრირებულია ჯანდაცვის სექტორის 4202 წარმომადგენელი.

ვაქცინაციის პროცესი დაიწყო შიდა ქართლშიც. გორის ორ კლინიკაში - სამხედრო ჰოსპიტალსა და სამედიცინო ცენტრ ,,გორმედში" 40 პირი აიცრა.

რეგიონი უზრუნველყოფილია „ასტრაზენეკას“ ვაქცინის 2600 დოზით. „გორმედის" და სამხედრო ჰოსპიტალის გარდა, 17 მარტიდან ვაქცინაციის პროცესი კასპში, ქარელსა და ხაშურშიც დაიწყება.