საზოგადოება
28.04.2021 10:28
სასოფლო-სამეურნეო საქმიანობისა და სურსათის წარმოების ხელშეწყობის მიზნით იძულებით გადაადგილებულ პირებს ტექნიკა და დანადგარები გადაეცემათ
დევნილებსა და ეკომიგრანტებს სასოფლო-სამეურნეო საქმიანობისა და სურსათის წარმოების ხელშეწყობის მიზნით ტექნიკა და დანადგარები გადაეცემათ.
დევნილთა, ეკომიგრანტთა და საარსებო წყაროებით უზრუნველყოფის სააგენტო იძულებით გადაადგილებულ პირებს, მათივე მოთხოვნის შესაბამისად, მინიტრაქტორებს, მოტობლოკებსა და სურსათის გადამუშავებისთვის საჭირო ინვენტარს შეუძენს.
როგორც უწყებაში აცხადებენ, პროგრამის მთავარ მიზანს, სახელმწიფოს მიერ საცხოვრებლით უზრუნველყოფილი დევნილებისა და ეკომიგრანტების ინტეგრაციის ხელშეწყობა და მათთვის შემოსავლის წყაროს გაჩენა წარმოადგენს.
GMnews-ის ინფორმაციით, ამ ეტაპზე, სპეციალურმა კომისიამ, წინასწარ დადგენილი კრიტერიუმების შესაბამისად, 81 გამარჯვებული უკვე გამოავლინა.
