საზოგადოება
10.08.2021 09:07
ქორწილის, ქელეხის, იუბილის და სხვა ღონისძიებების მასპინძლობისთვის კვების ობიექტებს და სარიტუალო დარბაზებს დაეკისრებათ ჯარიმა 10 ათასი ლარის ოდენობით
ეპიდემიოლოგიური მდგომარეობის გაუარესების გამო, კვლავ აიკრძალა მასშტაბური შეკრებების გამართვა. მთავრობის დადგენილებით, დღეიდან აიკრძალა ისეთი სოციალური ღონისძიებების გამართვა, როგორიცაა ქორწილი, ქელეხი, იუბილე. მსგავსი ღონისძიებების მასპინძლობისთვის კვების ობიექტებს თუ სხვადასხვა სარიტუალო დარბაზებს პირველ ჯერზე დაეკისრებათ ფინანსური სანქცია - 10 ათასი ლარის ოდენობით.
უწყებათაშორის საკოორდინაციო საბჭოსთან არსებული ოპერაციული შტაბის უფროსის, გიორგი ღიბრაძის განცხადებით, მსგავსი ქმედების განმეორებით განხორციელებისთვის ობიექტი დაილუქება.
შეგახსენებთ, დღეიდან, დახურულ სივრცეებში ყველგან და ღია სივრცეებში, სადაც 5-ზე მეტი ადამიანი იკრიბება, სავალდებულო გახდა პირბადის ტარებაც.
