ნორვეგიის დედაქალაქ ოსლოში თავისუფალი სტილით ჭიდაობაში მსოფლიოს ჩემპიონატი დღეს იწყება. დღესვე, ასპარეზობაში ერთვებიან 61, 74, 86 და 125 კილოგრამი წონითი კატეგორიების თავისუფალი სტილით მოჭიდავეები.

საქართველოს სახელით ოსლოში ოთხი სპორტსმენი იასპარეზებს, მათ შორის, მსოფლიოს მოქმედი ჩემპიონი გენო პეტრიაშვილი (125 კგ.).

გენო პეტრიაშვილი ბოლო სამი მსოფლიოს ჩემპიონატის (2017, 2018 და 2019) გამარჯვებულია.