სახალხო არტისტი, ,,ხელოვნების ქურუმის“ ჯილდოს მფლობელი, ქართველი მაყურებლისთვის საყვარელი მსახიობი ,,ხირხალა“, იგივე ამირან ქადეიშვილი 85 წლის ასაკში, ხანგრძლივი ავადმყოფობის შემდეგ, კლინიკაში გარდაიცვალა.

კინოსა და თეატრში ქადეიშვილს არაერთი როლი აქვს შესრულებული: ხირხალა - ,,სიყვარული ყველას უნდა“,  ჭოლა - ,,პირველი მერცხალი“, კვეგვე ტარბა - ,,მთვარის მოტაცება“,  კურა-მუჰამედი - ,,ციმბირელი პაპა“, ერმილე მამალაძე - ,,მევლუდი“. ასევე, მონაწილეობს ფილმებში: ,,თბილისი, პარიზი, თბილისი“, ,,კავკასიის ტყვე“,  ,,ჟამი მოქცევის“...