ბრწყინვალედ იასპარეზა გორელმა ძიუდოისტმა თამაზ ბიგანაშვილმა (+81 კგ) 15-16 თებერვალს გამართულ საქართველოს ჩემპიონატზე უმცროს ჭაბუკებს შორის და ოქროს მედალიც დაისაკუთრა.

ბიგანაშვილს ოქროს მედლამდე სავალ გზაზე 5 მოწინააღმდეგის დამარცხება მოუწია და ყველას აშკარა უპირატესობით აჯობა.

შეჯიბრებას კასპის სპორტულმა კომპლექსმა უმასპინძლა და ჩემპიონ-პრიზიორები სულ 9 წონით კატეგორიაში გამოვლინდნენ.

ბიგანაშვილის გარდა, გორის გურამ პაპიტაშვილის სახელობის ჭიდაობის კომპლექსური სპორტული სკოლის სამმა სპორტსმენმა მოიპოვა ბრინჯაოს მედალი: დათო ქარელი (50), საბა სამადაშვილი (66), ნუკრი ბიბილაშვილი (81). ასევე ბრინჯაოს მედალი დაისაკუთრა ძიუდოს კლუბ „გორიჯვრის“ მოჭიდავემ, რომა ბერძენიშვილმა (55).