საოკუპაციო ხაზის მიმდებარე გორის მუნიციპალიტეტის სოფელ ქერეს საჯარო სკოლის მოსწავლეებს სპორტული ინვენტარი და წიგნები გადაეცათ.

საჩუქრები მოსწავლეებს შიდა ქართლის მაგიდის ჩოგბურთის ფედერაციის პრეზიდენტმა დავით ღამბაშიძემ და საქართველოს პარლამენტის ეროვნული ბიბლიოთეკის გენერალური დირექტორის მოადგილემ მირიან ხოსიტაშვილმა გადასცეს.

შეხვედრა კითხვა-პასუხის რეჟიმში წარიმართა. სტუმრებმა ახალგაზრდებთან ქვეყნის ისტორიაზე და განათლების აუცილებლობაზე ისაუბრეს.