„საქართველოს ადმინისტრაციულ სამართალდარღვევათა კოდექსში“, „საგზაო მოძრაობის შესახებ“ და „საქართველოს საგადასახადო კოდექსში“ ცვლილებების შეტანის კანონპროექტი მომზადდა.

ცვლილებების თანახმად, თბილისის ადმინისტრაციულ საზღვრებში გადაადგილებაზე  დროის გარკვეულ მონაკვეთში შეზღუდვა დაწესდება შემდეგი კატეგორიის ავტომობილებისთვის: M3 – 5 ტონაზე მეტი მასის და 8-ზე მეტი დასაჯდომი ადგილის მქონე მგზავრთა გადასაყვანად განკუთვნილი ავტოსატრანსპორტო საშუალება;

 N2 - 3,5-დან 12 ტონაზე მეტი  და N3 – 12 ტონაზე მეტი მოცულობის ტვირთის გადასაზიდად განკუთვნილი სატრანსპორტო საშუალება.

აღნიშნული შეზღუდვის დარღვევის შემთხვევაში, დამრღვევი პირი 1 000 ლარით, განმეორებით შემთხვევაში კი, 3 000 ლარით დაჯარიმდება.

საკანონმდებლო ცვლილება ქალაქის საცობებისგან გათავისუფლებას ითვალისწინებს.

დედაქალაქის საკრებულო პრობლემის გადასაწყვეტად „პიკის“ საათებსა და საცობებისგან გადატვირთული ადგილების ჩამონათვალს ახლო მომავალში განსაზღვრავს.