გიორგი ერისთავის სახელობის  გორის სახელმწიფო დრამატული თეატრის მცირე დარბაზში, მიშიკო კოშკაძის ხსოვნისადმი მიძღვნილი საღამო გაიმართა.

ღონისძიება ხელოვანის 55 წლის იუბილეს მიეძღვნა.

საღამოზე, რომელსაც მომღერლის მეგობრები, კოლეგები და საზოგადოების სხვადასხვა სფეროს წარმომადგენლები ესწრებოდნენ, მიშიკო კოშკაძის შემოქმედებიდან ცნობილი ჰიტები გაჟღერდა.

შეგახსენებთ, მიხეილ კოშკაძე 1968 წელს, გორში დაიბადა. კოლორიტი მუსიკოსი და მომღერალი 2018 წლის 30 ოქტომბერს, 49 წლის ასაკში გარდაიცვალა.