სამოყვარულო ფეხბურთის ჩემპიონატის ნახევარფინალური შეხვედრები გუშინ გაიმართა და შედეგების მიხედვით, მუნინიციპალური პირველობისთვის ერთმანეთს გორის მერიისა და დიცის გუნდები დაუპირისპირდებიან.

„გორის მაცნეს“ ინფორმაციით, მუნიციპალიტეტის მასშტაბით გამარჯვებულის გამოსავლენად შესარჩევ თამაშებში 7 გუნდი იბრძოდა.

როგორც ცნობილია, გორის მუნიციპალიტეტის გუნდი ადგილობრივი ხელისუფლების წარმომადგენლებისგანაა დაკომპლექტებული, სამოყვარულო ჩემპიონატში, ასევე, მონაწილეობს გორის მუნიციპალიტეტის მერიც.

სამოყვარულო ფეხბურთის ჩემპიონატში - „7X7“, საქართველოს 64 მუნიციპალიტეტი მონაწილეობს. ქვეყნის პირველობისთვის მუნიციპალურ, რეგიონალურ და ზონალური ეტაპებში გამარჯვებული გუნდები იბრძოლებენ. შეგახსენებთ, რომ 7X7 ფეხბურთში Master League-ის გათამაშება პირველად 2019 წელს გაიმართა და ტურნირის მიზანს ფეხბურთის განვითარების ხელშეწყობა და ჯანსაღი ცხოვრების წესის პოპულარიზაცია წარმოადგენს.