2022-2023 სასწავლო წლისთვის რეგისტრირებული ბავშვების მშობლებს, გორის მუნიციპალიტეტის სკოლამდელი აღზრდის სააგენტოში საბუთების წარდგენა 25 ივლისამდე შეუძლიათ, - ამის შესახებ ინფორმაციას სკოლამდელი აღზრდის სააგენტო ავრცელებს.

როგორც სააგენტოში განმარტავენ, 25 ივლისის შემდეგ საბუთები აღარ მიიღება და  შესაბამისად ბავშვის რეგისტრაცია ავტომატურად გაუქმდება.

„გორის მაცნე“ შეგახსენებთ საჭირო დოკუმენტების ჩამონათვალს:

ბავშვის დაბადების მოწმობის ასლი;

ბავშვის ჯანმრთელობის ცნობა;

ორი ფოტოსურათი (3X4);

მშობლის (კანონიერი წარმომადგენლის) პირადობის მოწმობის ასლი;

რაიონის ბაღის შემთხვევაში, მშობლის (კანონიერი წარმომადგენლის) განცხადება საბავშვო ბაგა-ბაღში მიღების თაობაზე;

შეზღუდული შესაძლებლობის მქონე ბავშვის შემთხვევაში, ფორმა N100 და სამედიცინო დაწესებულებიდან გაცემული შეფასების რეკომენდაცია.