გიდასტურებთ, რომ პარლამენტსა და საკრებულოებში ,,ქართული ოცნების” შემადგენლობიდან გასული დეპუტატები საზოგადოებრივ მოძრაობას ვაყალიბებთ და ამ მოძრაობის ერთ-ერთი წევრი მეც ვიქნები, - ამის შესახებ ,,გორის მაცნეს“ საკრებულოს წევრმა მიშა გოგინაშვილმა განუცხადა.

გოგინაშვილის განცხადებით, საზოგადოებრივი მოძრაობის სახელწოდებასა და კონცეფციაზე საზოგადოებას შემდგომ მიეწოდება ინფორმაცია.

ცნობისთვის, დღეს გამართულ ბრიფინგზე საზოგადოებრივი მოძრაობის ერთ-ერთმა ლიდერმა, სოზარ სუბარმა განაცხადა, რომ მოძრაობის მიზანი იქნება საჯარო პოლიტიკაში არსებული კითხვებისათვის პასუხის გაცემა, ქვეყნისათვის ომის თავიდან აცილება და საქართველოს ევროპული ინტეგრაციის შეუქცევადობა.